«Жаніцьба»
Мікалай Гогаль
надзвычайна неверагоднае здарэнне ў 2-х актах
Рэжысёр-пастаноўшчык - Данііл Філіповіч
Мастак-пастаноўшчык - Аляксандр Камянец
Пераклад - Ксенія Даніленка
Кампазітар - Марат Абрамян
Харэограф - Вадзім Дубовік
Дзеючыя асобы:
Агаф'я Ціханаўна – Маргарыта Гарбачова
Арына Панцілеймонаўна - Тамара Нiкалаева-Апіёк ,Тамара Мiронава
Фёкла Іванаўна – Таіса Увядзенская
Падкалёсін – Iлля Крук
Качкароў – Мiхаiл Свiта
Дуняшка/Сцяпан – Святлана Гулевiч, Анастасiя Варанкова
Доктар – Надзея Азаранка
Цень Жанiцьбы – Зiнаiда Зубкова
Хор жанiхоў – Iван Аксенчык, Станiслаў Арцем'еў, Антон Нiкiшын, Артур Цыцура
У горадзе, да краёў запоўненым ільдом, ад дзікага холаду знікла каханне. А тым часам маладая дзяўчына марыць аб ім, яна хоча выйсці замуж, ёй тэрмінова патрэбен жаніх. Здаецца, што менавіта гэта напоўніць жыццё новым сэнсам і яркімі фарбамі.
Кожны герой спектакля знаходзіцца на сваёй уласнай планеце: фінансаў, будаўніцтва, вышэйшага саслоўя, замежных моў... Толькі ніхто з іх не задумваецца пра сапраўдныя пачуцці і каханне.
Яшчэ адной важнай тэмай з'яўляецца ўплыў нашага асяроддзя на думку і фарміраванне асобы. Каб палегчыць рашэнне сур'ёзных пытанняў, мы прапануем часцей прыслухоўвацца да свайго сэрца і інтуіцыі.
У спектаклі раскрываецца здольнасць рабіць іншы выбар, не задумваючыся пра наступствы.
Рэжысёр Данііл Філіповіч у чарговы раз спрабуе ў класічным тэксце выявіць новыя сучасныя сэнсы і гучанні, ператвараючы зусім простую гісторыю ў драматычны сюжэт, які паварочваецца трагедыяй для ўсіх герояў п'есы.
Спектакль ідзе на беларускай мове.
