Бясконцая гісторыя (16+)
Аўтар Міхаіл Хейфец
Рэжысёр-пастаноўшчык Сяргей Кулікоўскі
Харэограф Дзіяна Юрчанка
Прэм'ера – 25 ліпеня 2024
Працягласць – 1 гадзіна 20 хвілін без антракту
Спектакль «Бясконцая гісторыя» – гэта кранальны, трохі наіўны аповед, які звяртаецца да гледача: нічога не бывае позна! Нават калі вы выйшлі з узросту Рамэа і Джульеты, знайсці родную душу ўсё адно магчыма! І танцаваць, не ўмеючы, таксама можна! Было б жаданне.
Ён і Яна праводзяць вольны час у танцавальным клубе, але абодва не маюць ні слыху, ні пачуцця рытму. Аднак гэта не замінае ім быць шчаслівымі. Аднойчы Ён не прыходзіць на заняткі, і Яна застаецца без пары, таму што танцаваць з ёй ніхто не хоча! Што здарылася? Куды ён знік? Ёй трэба пачаць яго пошукі... Да чаго яны прывядуць? Што іх чакае? Быць разам або асобна? Ці падорыць ім лёс шанец стварыць агульны танец?
Наша «Бясконцая гісторыя» нагадвае пра тое, што ў жыцці кожнага, нягледзячы на ўзрост, ёсць момант, калі трэба зрабіць «крокі не па правілах» – і тады захад сонца стане не фіналам, а прыгожым пейзажам, на фоне якога так прыемна танцаваць удвух.
Ролі выконваюць:
ЁН Уладзімір Рагаўцоў
ЁН Аляксандр Пашкевіч
ЯНА Тамара Нікалаева-Апіёк
ЯНА Святлана Гусарава
Ён (танцуе ў пары) Ілья Крук, Антон Нікішын, Артур Цыцура
Яна (танцуе ў пары) Марыя Калесніковіч, Марыя Аўтушка, Таццяна Гулевіч
Скрыпач Генадзь Вішнякоў
