Урачыстае адкрыццё ХХІV Нацыянальнага фестывалю беларускай песні і паэзіі “МАЛАДЗЕЧНА – 2025” адбудзецца 13 чэрвеня ў 20.30 у Амфітэатры нашага горада. Канцэртная праграма “Зямлі маёй песні” ўразіць разнастайнымі творчымі нумарамі і па традыцыі пройдзе ў суправаджэнні легендарнага Нацыянальнага акадэмічнага канцэртнага аркестра Беларусі імя М.Я. Фінберга пад кіраўніцтвам галоўнага дырыжора Максіма Рассохі.

У праграме “Зямлі маёй песні” прымуць удзел зоркі беларускай эстрады. У іх ліку народны артыст Беларусі Анатоль Ярмоленка і заслужаны калектыў Рэспублікі Беларусь ансамбль “Сябры”, заслужаныя артысты Рэспублікі Беларусь Ірына Дарафеева, Наталля Тамэла, Аляксандр Саладуха, Жанет і Дзмітрый Качароўскі. Падораць публіцы сваю творчасць заслужаны калектыў Беларусі вакальная група “Чысты голас”, заслужаны аматарскі калектыў Рэспублікі Беларусь тэатр эстраднай песні “Сябрынка” ПК МАЗ, ансамбль эстраднага танца “Феерыя”.

Парадуюць вакалам салісты аркестра Таццяна Глазунова, Аляксандр Салаўёў, Ірына Іршонак, Андрэй Коласаў, Ангеліна Васілеўская, Алеся Дзяржавец, Віталь Дроб і іншыя выканаўцы.

Вядучыя канцэрта – заслужаная артыстка Рэспублікі Беларусь Алена Спірыдовіч і Павел Лазовік.