Музычная калядная казка “Як Літара Ў ды Святы Мікалай Каляды ратавалі” – цудоўны спосаб адсвяткаваць разам з дзецьмі старажытныя беларускія Каляды. Гэта ўжо трэці абсалютна самастойны калядны сюжэт з гэтай серыі казак, і пяты ў цыкле “Неверагодныя Прыгоды Літары Ў”.
Таксама, як мы памятаем, ў гэтым цыкле ёсць вясновая і восеньская казкі, “Як Літара Ў вясну гукала” і “Як Літара Ў Ярылу-Сонца ў вырай выпраўляла”.
Агулам усе часкі праекта выйшлі 30+ паказамі за тры гады, не толькі ў Мінску, але і некалькі разоў праехалі па Беларусі з паспяховымі гастролямі.
Паказ новай казкі серыі пройдзе 8 студзеня а 15-00 ў знаёмай залі – Маладзежным Тэатры Эстрады. Для тых маленькіх і дарослых гледачоў, хто па нейкіх прычынах не зможа прысутнічаць на паказе асабіста, каманда стваральнікаў казкі сумесна з сервісам
KVITKI BY рыхтуе сюрпрыз у сучасным лічбавым фармаце – магчымасць падтрымаць казку праглядам у інтэрнэт. Спасылка з явіцца на сервісе
KVITKI BY праз некалькі дзён пасля паказа 8 студзеня і будзе даступная да 19 студзеня, калі калядныя святы ў Беларусі традыцыйна сканчваюцца Вадохрышчам.
Дык пра што ж новы сюжэт? Гэтым разам Літара Ў, разумная беларуская дзяўчынка Янінка да нават сам Святы Мікалай змагаюцца супраць Мораку Заморскага. Мораку дапамагае, вядома, злая Марана. Выратаваць страчаныя, здавалася б, Каляды, а разам з тым і ўвесь Чароўны Бор змогуць толькі светлыя дзіцячыя душы. Змаганне не будзе лёгкім. Але Дабро абавязкова пераможа!
8 студзеня, Маладзежны Тэатр Эстрады, 15-00. Убачымся? Дык канешне!
