logo
Корзина: 0
По вашему запросу ничего не найдено
Загрузка...
Перезагрузить

Тэатральна-музейная вечарына ''КАБ РАСКРЫЛАСЯ МАЯ ДУША''

Чт 07.07.2022 21:00
Дом-музей Марка Шагала, Витебск
Месца правядзення – Дом-музей Марка Шагала (вул.Пакроўская, 11а)

Традыцыйна 7 ліпеня Віцебск святкуе дзень народзінаў Марка Шагала. Сёлета Нацыянальны акадэмічны драматычны тэатр імя Якуба Коласа і Дом-музей Марка Шагала правядуць музейна-тэатральную вечарыну «Каб душа мая раскрылася...». 

У 21:00 для жыхароў і гасцей Віцебска будзе адкрыта экспазіцыя. Музейныя супрацоўнікі падрыхтавалі займальны квэст па творчасці сусветна вядомага мастака. Каб паспяхова прыйсці яго, прыйдзецца вывучыць кожную карціну Шагала ў дэталях, пашукаць у інтэрнэце артыкулы пра яго мастацтва...

У 22:00 пачнецца начны паказ спектакля «Шагал... Шагал...» – эцюды памяці па п’есе У.Драздова «Прамы вагон да Парыжа з усімі перасадкамі» ў пастаноўцы Коласаўскага тэатра. Уявіце сабе, як выйдзе з начной цемры, як з мінулага, таемны Мастак і будзе расказваць, паказваць гісторыю свайго жыцця, тыя вобразы, якія назаўсёды засталіся ў яго творах, той горад, якому належыць душа Шагала... Як будуць складацца ў сузор’е успамінаў, агеньчыкі, што свецяцца з вокнаў віцебскіх домікаў, сінагог, крамаў... Як паляцяць над Віцебскам шчымлівыя словы: «Горад мой, мяне не забыў ты яшчэ!.. Рака твая ў целе маім цячэ...».

Гэты спектакль – гімн гораду маладосці Марка Шагала, роднаму Віцебску. У 20-я гады, калі адбываецца дзеянне спектакля, тут быў цэнтр бурнага палітычнага і культурнага жыцця. Зусім малады мастак, яго маці, бацька, першае захапленне Волечкай, унучкай суседкі Сцяпанаўны; сапраўднае каханне да Бэлы і, нарэшце, цвёрдае рашэнне паехаць вучыцца ў Парыж. Пакідаючы родны горад, Марк Шагал не здагадваўся пра будучую парыжскую славу, не думаў, што больш ніколі не пабачыць родных… Яны ажывуць на палотнах мастака, якія ўзніклі з уражанняў віцебскага юнацтва.

«Я бадзяўся па вуліцах, я шукаў, я прасіў: «Божа, ты, схаваны ў аблоках ці за домам краўца, зрабі так, каб раскрылася мая душа, самотная душа хлопчыка-лепетуна, укажы мне, Божа, мой шлях. Я не хачу быць як іншыя, я хачу бачыць новы свет», – прасіў Марк Шагал. І яго мары спраўдзіліся.
 
Рэжысёр-пастаноўшчык – заслужаны дзеяч мастацтваў Рэспублікі Беларусь Віталь Баркоўскі. Сцэнаграфія Уладзіміра Матросава. Касцюмы Святланы Макаранкі. Музыка і музычнае афармленне Аляксандра Крыштафовіча. Балетмайстар Павел Гарбуноў. За час жыцця спектакль быў паказаны на многіх гастролях і прэстыжных фестывалях у Італіі, Францыі, Польшчы, Германіі, Малдове, Расіі, Літве. У 2000 годзе адзначаны галоўным прызам Эдынбургскага фестывалю (Вялікабрытанія).

У спектаклі занятыя артысты: Генадзь Гайдук (Марк), Анжаліка Баркоўская (Іда, маці Марка), заслужаная артыстка Рэспублікі Беларусь Тамара Скварцова (Сцяпанаўна), Наталля Саламаха-Конанава (Бэла), Паліна Крашэўская / Алёна Чыстабаева (Волечка), заслужаны артыст Рэспублікі Беларусь Вячаслаў Грушоў (Захар, бацька Марка), Арцём Блахін / заслужаны артыст Рэспублікі Беларусь Рыгор Шацько (Камісар), Дзмітрый Каваленка (Фатограф), Юрась Цвірка (Іван), Уладзіслаў Жураўлёў (дзядзька Зюся). 
РазвернутьСвернуть
Мероприятие Дата / Время Место проведения  
Тэатральна-музейная вечарына ''КАБ РАСКРЫЛАСЯ МАЯ ДУША'' Чт 07.07.2022 21:00 Дом-музей Марка Шагала, Витебск
Место проведения
Дом-музей Марка Шагала
ул. Покровская, 11а Витебск Беларусь
Организатор
Национальный академический драматический театр имени Якуба Коласа ГУ
Национальный академический драматический театр имени Якуба Коласа ГУ
ул. Замковая, 2 г. Витебск 210026 Витебская область
Рег. №: 300203648
Тот же организатор
Купить ''Мая жонка-падманшчыца'' ''Мая жонка-падманшчыца'' Национальный театр имени Якуба Коласа, Витебск р. 12.50 - 13.00
Купить Спектакль ''Я вольны!'' Спектакль ''Я вольны!'' НАДТ имени Якуба Коласа, Камерная сцена, Витебск р. 13.50
Купить Премьера ''ДУШЕВНЫЙ РАЗГОВОР'' Премьера ''ДУШЕВНЫЙ РАЗГОВОР'' НАДТ им. Якуба Коласа, Камерная сцена, Витебск р. 13.50
Купить Спектакль ''Шагал...Шагал...'' Спектакль ''Шагал...Шагал...'' НАДТ имени Якуба Коласа, Камерная сцена, Витебск р. 13.50
Купить ''Яшчэ раз пра каханне'' ''Яшчэ раз пра каханне'' Национальный театр имени Якуба Коласа, Витебск р. 12.50 - 13.00