Рэжысёр-пастаноўшчык: Ганна КАЗЛОВА Мастак-пастаноўшчык: Дар’я ВОЛКАВА Музычнае афармленне: Генадзь ГАРАНСКІ
Усім персанажам гэтага спектакля, акрамя Шамацілы, далёка за 60 гадоў. І жывуць яны як бы на два светы: адзін паволі рыхтуюцца пакідаць, а пра іншы толькі-толькі задумваюцца. Шамаціла, сведка гэтай доўгай зямной прыгоды, бянтэжыць думкай-развагай – што гэта з імі было і навошта? «Непагадзь, мужык дрэнны, жонка дурная, дзеці няўдзячныя, вада мокрая і ўвогуле...» І так бянтэжыць, што ў імгненне паміж пераходам са свету ў свет яны спрабуюць нешта асэнсаваць, аднавіць і нават выправіць. І – паспяваюць. А што Шамаціла? А Шамаціла ўзросту не мае.
