Прэм'ера ''Вытанчаны падман''

16+
Мікалай Гогаль.
Сатырычная гісторыя па п’есе «Гульцы».
Вялікая сцэна.
Прэм’ера - 28 і 29 кастрычніка 2022 года.
Карцёжнікі Суцяшальны, Швохнеў і Кругель віртуозна ашукваюць і абкрадаюць заезджага шулера Іхарава. Пры першым знаёмстве яны робяць выгляд, быццам бы не ведаюць пра здольнасці Іхарава, які спрактыкавана валодае картамі і мае крапавую, шулерскую калоду. Ён жа мэтанакіравана сядае гуляць з імі, бо чуткі пра майстэрства і ўменні гэтай кампаніі даўно ходзяць па свеце. Жадаючы пераплюнуць вялікіх знаўцаў сваёй справы, Іхараў сам трапляе ў складаную сітуацыю, у сетку вытанчанага падману.

Пастаноўка, сцэнаграфія і касцюмы Андрэя ЖЫГУРА.
Музыка Аляксандра ГЕМБІЦКАГА.
Харэограф Сяргей ТАЛКАЧ.
Пераклад на беларускую мову Алеся ЗАМКОЎСКАГА.                                                                                              
Працягласць спектакля - 1 гадзіна 40 хвілін без антракту.