Прэм'ера ''ГУЛЬНЯ Ў ДЖЫН''

Дональд Лі Коўбэрн
ГУЛЬНЯ Ў ДЖЫН
16+
Трагікамедыя

Прэм’ера – 20 сакавіка 2021 года.

Пераклад на беларускую мову Уладзіміра Дзюбы
Пастаноўка, сцэнаграфія і касцюмы Андрэя Жыгура
Музычнае афармленне Аляксандра Крыштафовіча

 

Уэлер Марцін – у мінулым паспяховы бізнесмен, якому здрадзілі партнёры. Фонсія Дорсі – супрацоўніца жыллёвай канторы без сярэдняй адукацыі. Яны выпадкова сустракаюцца, знаёмяцца і бавяць час за гульнёй у карты. У двух супрацьлеглых па характары людзей – усё ў мінулым, і аб’ядноўвае іх толькі адсутнасць будучыні. У нейкі момант няхітрая забава гульнёй у джын, простыя лекі ад маркоты робяцца для іх сэнсам і нават метафарай жыцця. Гульня напаўняецца ўспамінамі і шкадаваннямі пра згубленыя гады, пра тое, што не змаглі знайсці агульную мову з дзецьмі і цяпер вымушаны застацца адно на адно з самімі сабой. Ці змогуць героі адкрыць усе карты? І хто ж выйдзе пераможцам у гэтай тэатральнай партыі – адзінокія людзі або ўсё ж такі іх лёс?

 

У спектаклі занятыя артысты драмы, вядучыя майстры сцэны Анжаліка Баркоўская (Фонсія Дорсі) і Пятро Ламан (Уэлер Марцін).